Om Konsernet Voss Energi AS
Me forsyner Voss og omegn med fornybar vasskraft. Overskotet vårt gjev me attende til bygda. Konsernet har desse dotterselskapa: Voss Energi Kraft AS, Voss Energi Produksjon AS, Voss Fiber AS, Hordaland Bioenergi AS og Tendranett AS.
Vasskraft på Voss
Straumen vår kjem frå produksjonsanlegga våre på Hodnaberg, Palmafossen og Rongsfossen på Voss.
Me har fokus på berekraftig straumproduksjon, og har mellom anna vunne pris for fiskevandringssystemet ved produksjonsanlegget vårt på Palmafossen. Voss Energi Produksjon står for produksjonen og vedlikehald av anlegga.
Overskot til bygda og fellesskapet
Overskotet frå Voss Energi går til å skapa ei levande og berekraftig bygd. Dette skjer både gjennom direktesponsing av idrett, kultur og arrangement, og gjennom at utbytet som blir att går til vår eigar Voss herad.
Voss Energi sitt totale bidrag til Voss herad og staten i 2022 var på over 140 millionar kroner.
- 21 mill. i utbyte og renter på ansvarleg lån til Voss herad.
- 5,8 mill. i skattar og avgifter til kommune.
- 116 mill. i skattar og avgifter til staten.
I tillegg bidreg Voss Energi med kjøp hjå lokale verksemder, direkte sponsing og støtte til ei rekke lag og organisasjonar.
Voss Energi konsern
- Voss Energi AS er morselsskapet, heileigd av Voss herad.
- Voss Energi Kraft AS er kraftleverandør.
- Voss Energi Produksjon AS produserer krafta.
- Tendranett AS er nettselskap.
- Voss Fiber AS leverer fiber- og breibandstenester.
- Hordaland Bioenergi leverer fjernvarme til Voss sentrum, Myrkdalen og Vossestrand.
Leitar du etter Tendranett?
Her finn du nettsida til nettselskapet Tendranett AS.
Leitar du etter Voss Fiber?
Her finn du påloggingssida for kundar av Voss Fiber AS.
Berekraft
Vestlandet er velsigna med bratte fjell og mykje nedbør. Å omdanna rennande vatn til straum er den mest naturlege, smarte og berekraftige måten å produsera straum i storskala på i vår del av landet, meinar me.
Me er stolte av straumen me produserer, måten me gjer det på og ikkje minst det at overskotet frå verksemda vår gagnar bygda og alle som bur her – dette er berekraft for oss.
Styret i Voss Energi AS:
Styreleiar: Atle Netland
Nestleiar: Bjørg Djukastein
Dagleg leiar: Rune Nesheim
Styremedlemmar: Unn Fauskanger og Thomas Hårklau
Revisor: Deloitte AS
Varamedlemmar: Håkon Bø, Rune Rønhovdne, Kari Tesdal, Marita Garen, Hilde Lussand Selheim og Knut Olav Røssland Nestås.
Observatør: Dag Arild Jensen